ກຳມະບານຮາກຖານກຸ່ມຜະລິດຄົບວົງຈອນເລກ 1 ກອງທັບ ສ້າງໄດ້ຜົນງານຫຼາຍດ້ານ
ສະຫາຍ ພັນໂທ ບຸນໂຮມ ສຸວັນທາ ປະທານສະຫະພັນກຳມະບານຮາກຖານກຸ່ມຜະລິດຄົບວົງຈອນເລກ 1 ກອງທັບ ໄດ້ໃຫ້ຮູ້
ວ່າ: ກຳມະບານຮາກຖານກຸ່ມຜະລິດຄົບວົງຈອນເລກ 1 ກອງທັບ ແມ່ນອົງການຈັດຕັ້ງມະຫາຊົນໜຶ່ງທີ່ຢູ່ພາຍໃຕ້ການຊີ້ນຳນຳພາໂດຍ
ກົງຮອບດ້ານຈາກ ຄະນະພັກ-ຄະນະບັນຊາ ກຸ່ມຜະລິດຄົບວົງຈອນເລກ 1 ກອງທັບ ແລະ ມີສາຍຕັ້ງຂຶ້ນກັບຫ້ອງການກຳມະບານກອງ
ທັບ. ການຈັດຕັ້ງປະຕິບັດໜ້າທີ່ວິຊາສະເພາະຂອງກຳມະບານຮາກຖານ ໃນໄລຍະຜ່ານມາໄດ້ປະສານສົບທົບ ກັບ ຄະນະພັກ-ຄະນະ
ບັນຊາ ເປັນເຈົ້າການເຮັດວຽກງານສຶກສາອົບຮົມການເມືອງ-ນຳພາແນວຄິດເຮັດໃຫ້ພະນັກງານ, ສະມາຊິກກຳມະບານ, ກຳມະກອນ
ຢູ່ໃນກົມກອງມີແນວຄິດອຸ່ນອຽນທຸ່ນທ່ຽງ, ມີຄຸນທາດການເມືອງໜັກແໜ້ນ, ມີຄວາມຈົງຮັກພັກດີຕໍ່ປະເທດຊາດ, ຕໍ່ພັກ ແລະ ກອງ
ທັບ ໃນນັ້ນໄດ້ຫັນເອົາແນວທາງນະໂຍບາຍຂອງພັກ-ລັດ, ຂໍ້ກຳນົດກົດລະບຽບຂອງກອງທັບ ກໍຄືມະຕິກອງປະຊຸມໃຫຍ່ຜູ້ແທນກຳມະ
ບານທົ່ວປະເທດ ຄັ້ງທີ VIII ມາຈັດຕັ້ງເຜີຍແຜ່ເຊື່ອມຊຶມຢ່າງເປັນປົກກະຕິ. ເຮັດໃຫ້ສະມາຊິກກຳມະບານ, ກຳມະກອນ ເອົາໃຈໃສ່ຍົກ
ສູງລະດັບຄວາມຮູ້ທາງດ້ານການເມືອງ, ການທະຫານ, ເຕັກນິກວິຊາສະເພາະພະລາທິການ ເພື່ອມາໝູນໃຊ້ເຂົ້າໃນໜ້າທີ່ວຽກງານຕົວ
ຈິງຂອງກົມກອງ ສ້າງເງື່ອນໄຂ ແລະ ຊຸກຍູ້ໃຫ້ສະມາຊິກກຳມະບານ, ກຳມະກອນໄປສຶກສາຮ່ຳຮຽນເພື່ອຍົກລະດັບຄວາມຮູ້ ແລະ ສີມື
ແຮງງານຢູ່ບັນດາໂຮງຮຽນພາກລັດ, ເອກະຊົນ ແລະ ສູນເຝິກອົບຮົມວິຊາຊີບຕ່າງໆດ້ວຍທຶນຈາກຂັ້ນເທິງທີ່ໄດ້ແບ່ງປັ່ນໃຫ້ ແລະ ທຶນ
ຂອງຕົນເອງ, ໄດ້ສົ່ງພະນັກງານທີ່ຮັບຜິດຊອບວຽກງານກຳມະບານໄປເຝິກອົບຮົມໄລຍະສັ້ນວຽກງານກຳມະບານຢູ່ ສສ ຫວຽດນາມ
ຕາມຕົວເລກທີ່ທາງຫ້ອງການກຳມະບານກອງທັບ ໄດ້ແບ່ງປັນໃຫ້ ພ້ອມນັ້ນຍັງໄດ້ຍົກສູງນ້ຳໃຈເພີ່ງຕົວເອງ, ກຸ້ມຕົວເອງ ແລະ ສ້າງ
ຄວາມເຂັ້ມແຂງດ້ວຍຕົວເອງ, ອອກ ແຮງງານເພີ່ມພູນຜະລິດຜົນຕາມທິດ 4 ປູກ 4 ລ້ຽງຂອງກົມໃຫຍ່ພະລາທິການກອງທັບໄດ້ວາງ
ອອກ ເຊິ່ງໃນປີຜ່ານມາກົມກອງໄດ້ປູກໄມ້ໃຫ້ໝາກ ແລະ ພືດຜັກສວນຄົວ ສ້າງລາຍຮັບໄດ້ 8.237.000 ກີບ, ປູກໄມ້ອຸດສາຫະກຳ
ຢາງພາລາ 400 ຕົ້ນສາມາດສ້າງລາຍຮັບໄດ້ 8.309.000 ກີບ, ລ້ຽງໄກ່ພັນໄຂ່ ຈຳນວນ 15.000 ໂຕ ສາມາດຜະລິດໄຂ່ໄດ້ 130.000
ໜ່ວຍ, ລ້ຽງໝູພັນຊີ້ນຟາມປິດ 2.300 ໂຕ, ໝູພັນຊີ້ນຟາມເປີດ 300 ໂຕ, ໝູພໍ່ແມ່ພັນ 500 ໂຕ ສາມາດຜະລິດລູກໝູນ້ອຍໄດ້ 8.000
ໂຕ, ງົວພັນຊີ້ນ 15 ໂຕ ໃນປີ 2022 ຜ່ານມາ ສາມາດສ້າງລາຍຮັບລວມໄດ້ທັງໝົດ 272.281.000 ກີບ. ສະມາຊີກຳມະບານ, ກຳມະ
ກອນ ຄະນະກຳມະບານຮາກຖານ ກໍໄດ້ເອົາໃຈໃສ່ເຊີດຊູພາລະບົດບາດຂອງຕົນໃນການເປັນຕົວແທນປົກປ້ອງສິດ, ຜົນປະໂຫຍດອັນຊອບ
ທຳຂອງສະມາຊິກກຳມະບານ, ກຳມະກອນ ແລະ ຜູ້ອອກແຮງງານໃນກົມກອງເປັນຕົ້ນແມ່ນການຮັບປະກັນຄວາມປອດໄພໃນການອອກ
ແຮງງານ, ຮັບປະກັນໄດ້ສະພາບແວດລ້ອມບ່ອນເຮັດວຽກຂອງກຳມະກອນ ໄດ້ມີການ ຈັດຕັ້ງກວດສຸຂະພາບໃຫ້ແກ່ສະມາຊິກກຳມະບານ,
ກຳມະກອນເປັນປະຈຳເພື່ອຮັບປະກັບບໍ່ໃຫ້ເກີດພະຍາດອາຊີບ, ໄດ້ໄປຢ້ຽມຢາມສະມາຊິກກຳມະບານ, ກຳມະກອນ ທີ່ເຈັບປວຍນອນປິ່ນ
ປົ່ວຢູ່ໂຮງໝໍ ແລະ ໃຫ້ການຊ່ວຍເຫຼືອລວມມູນຄ່າ 2.500.000 ກີບ. ສະຫາຍ ພັນໂທ ບຸນໂຮມ ສຸວັນທາ ຍັງໃຫ້ຮູ້ຕີ່ມອີກວ່າ: ໄປຄຽງ
ຄູ່ກັນນັ້ນຍັງໄດ້ຖືເອົາຂະບວນການແຂ່ງຂັນ 5 ເປັນເຈົ້າຂອງສູນກາງສະຫະພັນກຳມະບານລາວວາງອອກ ສອດຫ້ອຍເຂົ້າໃນທຸກຂົງເຂດວຽກ
ງານຂອງກົມກອງ, ປັດຈຸບັນກຳມະບານຮາກຖານກຸ່ມຜະລິດຄົບວົງຈອນເລກ 1 ກອງທັບ ປະກອບມີ 4 ໜ່ວຍຂຶ້ນກັບ, ມີສະມາຊິກກຳມະ
ບານທັງໝົດ 114 ສະຫາຍ, ຍິງ 56 ສະຫາຍ. ສະເພາະຫົວຂໍ້ ແຂ່ງຂັນ 5 ທີ່ສູນກາງສະຫະພັນກຳມະບານລາວວາງອອກໃນໄລຍະ 1 ປີຜ່ານ
ມາ ກຸ່ມຜະລິດຄົບວົງຈອນເລກ 1 ກອງທັບ ໄດ້ຮັບການຢັ້ງຢືນຈາກຫ້ອງການ ກຳມະບານ ກອງທັບ ເປັນກຳມະບານຮາກຖານທີ່ເຂັ້ມແຂງ 5
ເປັນເຈົ້າປະຈຳປີ 2023 ອີກດ້ວຍ.
ແຫຼ່ງທີ່ມາ: ວອນທອງ ພົມລາວົງ
ວັນທີ 06/11/2023